COMMUNIQUE DE MFUMU MUANDA NSEMI A TOUS LES MAKESA MU NZILA KONGO !

Yenge kieno Bayaya ye Batata mu Nza yavimba

Kisombe kia Lumbu Kimosi tuka fuku diadi mu 3h00 na te mbazi kia lumbu kimosi (lundi) mu 18h00.

Kibila : mamo ma lombele Nlongi'a Kongo kua Mfumu za Kayengele ma vangama ku Kongo dia Kati. (tu muanga nsanga)..... Jeûne d'un jour ce Lundi 20 Février 2017 de 3h00 à 18h00;

Bika lusakumunu lua Batata ba Mpungu Tulendo luasikila mu beno !

Note : Kisombe préparant la marche pacifique du Mardi 21 Février 2017.... Bu ntele !

Comments

[Mbuta NZUZI]

Ingeta ! Ibobo ! Ibobo



O Mpungu Tulendo wangula mbi i menene ku Kongo Dia Ntotela (Kongo Dia Kinsasa, Kongo Dia Mfua, Kongo Dia Mbe, Kongo Dia Angola, Ku Kongo Dia Nkangu, Kongo Dia Luangu, Kongo Dia Ubangi...). Vuza nti wa kinkole ngatu tua kota mu Kimpunza nkia ntete. Bika bisambu bia Mfumu Muanda Nsemi ye bia Nkangu'eto bia luaka kua ngeye Nzambi'a Mpungu Tulendo. N'lemvo, n'lemvo, n'lemvo tulombele mu diambu dia masumu meto ye mu diambu dia kondua kuazitisa Kodi dia moyo diasisa Bambuta.



O Nzambi'eto te nkia ntangu Tata Nkongo kena kuama kungila ? Bika luzolo luaku lua lungana ku nsi'eto Kongo. Bika Nsilulu zaku za lungana ku Ntimansi. Bika Ndombe ka vumbula nsingu. Kua beno Bisimbi bia Kongo, yenge kieno. Kua beno Bisimbi bia ntoto, yenge kieno. Kua beno Bisimbi bia tiya, yenge kieno. Kua beno Bisimbi bia maza, yenge kieno. Kua beno bisimbi bia mpepe, yenge kieno. Kua beno Bisimbi bia mvita, yenge kieno. Kua beno Bakulu Banunga, yenge kieno. Yenge, yenge, yenge munkumbu tatu za mase. Yenge.



Kua ngeye Mfumu'eto Ne Muanda Kongo tulombele bo. Ingeta !



Mbundani, Mbundani, Mbundani Mfumu Kimbangu ka tulombelo mu nkumbu'a Tata Nzambi Mpungu Tulendo ! Mpeve ya mika mia mbua Mfumu Muanda Nsemi ka tulombele mu nkumbu za Bakulu ba Muela Kongo. Ngangu za nsisi Mfumu Matsua ka tulombele mu Nkumbu'a Nzambi'a Mbumba. Tua yala bua yala nsanda Yaya Vita Kimpa ka tu lombele mu nkumbu'a Kongo Kalunga. Kongo tadi kabasu'e mbasinga Ntotela Vita Nkanga ka tutelele.



KANA KUZINGILA, ZULU KIA DIKIA !



Ingeta ! Ibobo ! Ibobo