BINTUADI NSAMBODIA I NANI ?

TATA NZAMBI  i Mfumu yimosi kaka yena mu mazulu. Mu kinzungidila kiandi muena Bisimbi nsambodia, i Bilandi nsambodia bia TATA NZAMBI'A MPUNGU mu nzil'a ndungusulu a salu kiandi ku Zulu ye va Ntoto.

Mu nitu a muntu, meso, matu, meno, ntima, toso, ye mindia biena biela bia nitu yimosi, kansi biela biabi biabionsono ka bisalanga kisalu kimosi nkutu ko.

Kisala kia matu ka i kia meso ko. Ntima ye toso ka basalanga kisalu kimosi ko. Meno ye kisalu kiau, meso mpe kisalu kiau kiankaka.

I bumosi mpe mu Bisimbi nsambodia bia Kiandu kia TATA NZAMBI'A MPUNGU. Kionso Simbi kivuidi kiandi kisalu kiamvana TATA NZAMBI'A MPUNGU, wandi muningu, yandi ntinta, ye yandi Mpova ya Lendo, ye diandi kabu dia Bakulu Banunga basadilanga mu yinza diandi dia bisalu.

Mama mamonsono, Mfumu za Bintuadi nsambodia bafuete mo zaya, ye konso Kintuadi kifuete zaya nkumbu'a Simbi kiandi, ntint'a Simbi kiandi, muningu wa Simbi kiandi, ye nkumbu za Bakulu Banunga basadilanga mu yinza dia Simbi kisimbanga nsabi za mansueli ma Kintuadi kiokio.

Bisimbi nsambodia, mpila nsambodia za Tiya tua Kinlongo kia Kongo.

Mazikua nsambodia ma Bisimbi nsambodia i Binkakasa nsambodia bia Bisambu, ovo Bintuadi nsambodia bia Kinlongo kia Kongo?

MAZIKUA NSAMBODIA MA TIYA TUANLONGO, i numbu yankaka yi tusadilanga mu BUNDU DIA KONGO mu bokelela Bintuadi nsambodia bia Kinzambi kia Kongo, bia Kinlongo kia Kongo.

1. ZIKUA DIA NE NLEMBO A MFUMU

2. ZIKUA DIA NE MAVANA NKEMBO

3. ZIKUA DIA MFUMU'A KITAMINA

4. ZIKUA DIA NE MPUNGI'A MFUMU

5. ZIKUA DIA MFUMU'A MANSUEKI

6. ZIKUA DIA NE MATANINA LUDI

7. ZIKUA DIA MFUMU'A LUFUA.

TATA NZAMBI ye TIYA TUALONGO (LE FEU SACRE), Tiya tuatu tuena tuampembe.

Mu Tiya tuatu mavaikanga Ndekela Nsambodia zinamikanga nlaku nsambodia mia Tiya tua Mazikua ma Bidimbi nsambodia bia Kianda.

Mu kintuadi, nlaku miami mibutanga Dimbu kia NE MBUMBA, i Lukongolo, ovo Dimbu kia Nkongo ( L'Arc-en-Ciel) ye ntinta zandi nsambodia : mbuaki, lanza, tundu, ngizu, mbudi, ngubudi, ye pilu.

1. NLAKU WAMBUAKI : La Flamme Rouge

2. NLAKU WALANZA : La Flamme Orange

3. NLAKU WATUNDU : La Flamme Jaune

4. NLAKU WANGIZU : La Flamme Verte

5. NLAKU WAMBUDI  La Flamme Bleue

6 NLAKU WANGUBUDI : La Flamme Indigo

7 NLAKU WAPILU  La Flamme Violette

Mu NZILA KONGO ye nkudulu mu Mpeve, Nkôngo i muntu wakula mu Mpeve weka ye LUKONGO mu kizungilila kia ntu andi, kadi azikua nsambodia ma Tiya tua Bisimbi nsambodia mamene sikama ye meti buabu lema ye siena mu yandi.

NTINU UMOSI kaka uyalanga zulu ye ntoto. Ntinu wowo i TATA NZAMBI'A MPUNGU yandi kibeni.

Mbasi zazo, Bisimbi biabio bia zulu ye ntoto, bisadilanga ku nsia lutumu luandi.

Ku zulu, Bisimbi nsambodia bia Kiandu biena. Bisi^mbi biabi bisadilanga ku nnsia lutumu lua MFUMU YIMOSI, i TATA NZAMBI, S'ETO.

ANNEXES :

Comments

[mlxoo]

Ku Dukula mu mpeve